ಕುಂದಾಪುರ ಮಿರರ್ ಸುದ್ದಿ…
ಕುಂದಾಪುರ : ಶ್ರೀ ನಟರಾಜ ನೃತ್ಯನಿಕೇತನ ಸಾಲಿಗ್ರಾಮ ಇವರ ಆಶ್ರಯದಲ್ಲಿ ಯಕ್ಷಗಾನ ಕಲಾ ಕೇಂದ್ರ ಹಂಗಾರಕಟ್ಟೆ ಐರೋಡಿ ಇವರ ಸಹಕಾರದಲ್ಲಿ ಯಕ್ಷ ಅಭಿನೇತ್ರಿ ಹಾಗೂ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರಾದ ಭಾಗೀರಥಿ ಎಂ ರಾವ್ ರವರಿಂದ ಭಾಮೆಯೋರ್ವಳ ಭಾವರಂಗದ ಸಮಗ್ರ ಕಂಸ ಎಂಬ ಪರಿಕಲ್ಪಿತ ಯಕ್ಷಾಮೃತ ಪ್ರದರ್ಶನವು ಇಂದು ಶುಕ್ರವಾರ ಸಂಜೆ 6.00 ಗಂಟೆಗೆ ಸಾಲಿಗ್ರಾಮದ ಗುಂಡ್ಮಿಯ ಸದಾನಂದ ರಂಗಮಂಟಪದಲ್ಲಿ ಜರುಗಲಿದೆ.
ಮುಖ್ಯ ಅತಿಥಿಗಳಾಗಿ ಸಾಲಿಗ್ರಾಮ ಶ್ರೀ ಗುರುನರಸಿಂಹ ದೇವಸ್ಥಾನದ ಅಧ್ಯಕ್ಷರಾದ ಸೀತಾರಾಮ ಕಾರಂತ್‌ ಹಂಗಾರಕಟ್ಟೆ ಯಕ್ಷಗಾನ ಕಲಾ ಕೇಂದ್ರದ ಅಧ್ಯಕ್ಷರಾದ ಆನಂದ್ ಸಿ ಕುಂದರ್ ಆದರ್ಶ ಆಸ್ಪತ್ರೆಯ ಡಾ.ಆದರ್ಶ ಹೆಬ್ಬಾರ್ ಬ್ರಹ್ಮಾವರ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷರಾದ ರಾಮಚಂದ್ರ ಐತಾಳ್ ಹಾಗೂ ನಿರ್ದೇಶಕರಾದ ಕೆ ಜೆ ಗಣೇಶ್ ಕಿದಿಯೂರ್ ರವರು ಉಪಸ್ಥಿತರಿರುವರು.
ಭಾಮೆಯೋರ್ವಳ ಭಾವರಂಗದ ಸಮಗ್ರ ಕಂಸ ಎಂಬ ಯಕ್ಷಾಮೃತ ಪ್ರದರ್ಶನದ ಹಿಮ್ಮೇಳದಲ್ಲಿ ಭಾಗವತರಾಗಿ ಕೆ ಜೆ ಗಣೇಶ್ ಮದ್ದಳೆ ಕೆ ಜೆ ಸುಧೀಂದ್ರ ಕಿದಿಯೂರು ಚಂಡೆ ಕೆ ಜೆ ಕೃಷ್ಣ ಕಿದಿಯೂರು ನಿರೂಪಣೆ ದೀಪ್ತ ಕಿದಿಯೂರು ನಿರ್ವಹಿಸಲಿದ್ದಾರೆ.
