ಆನೆಗುಡ್ಡೆ ದೇವಳದಲ್ಲಿ ಸೇವೆಗಳು ಸ್ಥಗಿತ – ದರ್ಶನಾವಕಾಶ ಮಾತ್ರ

ಕುಂದಾಪುರ ಮಿರರ್ ಸುದ್ದಿ…
ಕುಂದಾಪುರ : ಪ್ರಸಿದ್ಧ ಪುಣ್ಯಕ್ಷೇತ್ರ ಕುಂಭಾಸಿ ಆನೆಗುಡ್ಡೆ ಶ್ರೀ ವಿನಾಯಕ ದೇವಾಲಯದಲ್ಲಿ ಸರ್ಕಾರದ ಆದೇಶದಂತೆ, ಕೋವಿಡ್ 19 ರ ರಕ್ಷಣಾ ಮಾರ್ಗಸೂಚಿಯನ್ವಯ ಜ.6ರ ಗುರುವಾರದಿಂದ ಎಲ್ಲಾ ವಿಧದ ಸೇವೆಗಳನ್ನೂ ಸ್ಥಗಿತಗೊಳಿಸಲಾಗಿದೆ. ಎರಡು ಲಸಿಕೆಗಳನ್ನು ಹಾಕಿಸಿಕೊಂಡ, ಮಾಸ್ಕ್ ಧರಿಸಿದವರಿಗೆ ಒಮ್ಮೆಗೆ 50 ಜನರಂತೆ ದೇವರ ದರ್ಶನಕ್ಕೆ ಒಮ್ಮೆಗೆ ಮಾತ್ರ ಅವಕಾಶ ಕಲ್ಪಿಸಲಾಗಿದೆ. ತೀರ್ಥ – ಪ್ರಸಾದ, ಹಣ್ಣುಕಾಯಿ ಸೇವೆ ಇರುವುದಿಲ್ಲ. ಭಕ್ತರು ಸಾಮಾಜಿಕ ಅಂತರ ಕಾಯ್ದುಕೊಂಡು, ಸರಕಾರದ ಮಾರ್ಗಸೂಚಿಗಳನ್ನು ಅನುಸರಿಸಿ, ಕೋವಿಡ್ ಪ್ರಸರಣವನ್ನು ತಡೆಗಟ್ಟುವಲ್ಲಿ ಸಹಕರಿಸಬೇಕು ಎಂದು ದೇವಳದ ಪ್ರಕಟಣೆಯಲ್ಲಿ ವಿನಂತಿಸಲಾಗಿದೆ. ಸರ್ಕಾರದ ಮುಂದಿನ ಆದೇಶದ ತನಕ ಈ ನಿಯಮ ಜಾರಿಯಲ್ಲಿರುವುದು.